''Bugun  Chirchiq davlat pedagogika universiteti kutubxonasiga Haydelberg pedagogika universiteti fondidan kitoblar to‘plami taqdim etildi", - deydi ARM xodimi Gulnora Umurzoqova.

     ChDPU xalqaro darajadagi pedagoglarni tayyorlashni maqsad qilgan dastlabki universitet sanaladi. Bunda xalqaro tajribalardan foydalanish, xalqaro loyihalarda ishtirok etish, xalqaro darslik va adabiyotlarni dars mazmuniga singdirish talab etiladi. Bugun Nemis tili kafedrasi tomonidan shunday darslik va adabiyotlar taqdimoti bo’lib o’tdi. 

      ChDPUning dastlabki va eng yaqin hamkorlaridan biri Haydelberg pedagogika universiteti bilan yo’lga qo’yilgan GIP-Germanistika institutlari hamkorligi loyihasi doirasida universitetimiz delegatsiyasi 11-26-dekabr kunlari Germaniyada safar uyushtirganliklari haqida xabar bergan edik. Loyiha mablag’lari hisobidan universitetimiz kutubxonasiga 30 dan ortiq darslik va zamonaviy badiiy adabiyotlar topshirildi. 

     Ulardan nemis tilini o’qitish va mustaqil o’rganishda, tadqiqot ishlari olib borishda va bo’sh vaqtni kitob mutolaasi bilan maroqli o’tkazishda foydalanish mumkin. Zamonaviy darslik va adabiyotlar universitetimiz maqsadiga erishish – xalqaro darajadagi pedagoglarni tayyorlashda navbatdagi qadam bo’lib xizmat qiladi.