Tabiiy fanlar fakultetida futbolga qiziquvchi va hatto yashil maydonda mahoratli bo‘lgan talabalar talaygina. Fakultetning futbolchi-talabalari dekan o‘rinbosari Rustam aka Hamraev murabbiyligida muntazam mashg‘ulotlar tashkil etishlari ham sir emas. 

     Bugun ushbu fakultet talabalari o‘rtasida yuqori saviyada o‘tkazib kelinayotgan sportning mini-futbol turi bo‘yicha “Dekan kubogi” musobaqasining final bosqichi va taqdirlash marosimi bo‘lib o‘tdi.  

     Musobaqa davomida Tabiiy fanlar fakultetining 200 ga yaqin talabalari 12 ta jamoaga birikib g‘oliblik uchun bahs olib borishdi. Kunduzgi, kechki va sirtqi ta’lim shakllarining barcha kurslaridan tashkil topgan jamoalar faol qatnashdi.

     G‘olib bo‘lgan jamoaga ko‘chma kubog va diplomlar topshirildi. Musobaqani tashkil etishda fidoyilik ko'rsatgan xodimlar ham taqdirlandi. Turnirning chiziqlar bo‘yicha eng yaxshilari aniqlandi. 

     Eng yaxshi himoyachi - Muhammadqodir G'oyibboyev

     Eng yaxshi hujumchi - Lazizbek Akramov 

     Eng yaxshi darvozabon - Samandar Istatov 

     Eng yaxshi murabbiy - Rustam Hamrayev

     Tadbirdan asosiy ko‘zlangan maqsad - fakultetda sog‘lom turmush tarzini yo‘lga qo‘yish va talaba-yoshlarni bir maqsad sari birlashtirishdir.