Matematika va informatika fakulteti tashabbusi bilan taniqli pedagog-psixolog, IMPAKT – o‘rganishga va o‘rgatishga qiziqtirish markazi rahbari Shahnoza Samesova bilan fakultet qizlari o‘rtasida davra suhbati o‘tkazildi.

     Qizlarni hayotga, oilaga, ijtimoiy muhitga tayyorlash va tarbiyalash, ularning munosib o‘rinlarga ega bo‘lish masalalari muloqotning maqsadini belgilab berdi.

     Milliylikni saqlagan holda zamonga hamnafas boqish uchun ichki ishonchlarini oshirish, hayotga, ta’limga bo‘lgan ishtiyoqlarini ko‘tarish maqsadida psixologik mashqlar tashkil etildi.

     Muloqot davomida ayollar va erkaklar psixologiyasining farqlari, shaxslararo munosabat qurishdagi muammolarga yechimlar, orzu maqsadlarini aniq ko‘ra olish va erishish yo‘llari yuzasidan fikrlar almashildi.  

     – Ayrim talabalar o‘zining to‘liq namoyon etolmayotgan, o‘zining imkoniyatlarini ko‘rsatolmayotgan bo‘ladi. Demak, u shaxsiy «men»ini topa olmayapti. Tushkun odamlarda maqsadlar yo‘q, hayotga befarq. Doimo tashqaridan e’tibor kutadigan odamlar borki, ular har bir qilgan ishi uchun rag‘batlantirilib turishni xohlaydi, - deydi taniqli pedagog-psixolog Shahnoza Samesova.

     Kelgusidagi faoliyatida ijobiy samara beruvchi kreativ muloqot uchun talabalar o‘z minnatdorchiligini bildirdilar.