Gumanitar fakulteti tashabbusi bilan universitet Talabalar akademiyasi faollari ishtirokida “Turkiston jadidchilik harakatida Sidqiy Xondayliqiyning o‘rni” mavzusida adabiy-ma’rifiy tadbir bo‘lib o‘tdi. Tadbir ma’rifatparvar Sidqiy Xondayliqiyning hayoti va ijtimoiy faoliyati, ilmiy-ijodiy merosini o‘rganishga bag‘ishlandi.

Tadbirni Gumanitar fakulteti dekani Ravshan Ikromov olib bordi. U o‘z chiqishida yurtimizda erkin fuqarolik jamiyati, huquqiy demokratik davlat barpo etishda jadid bobolarimizning gumanistik qarashlari hususida so'z yuritdi va ishtirokchilarda qiziqish uyg‘otdi.

Adabiy-ma’rifiy anjumanda O‘zbekiston Yozuvchilar uyushmasi a’zosi Asad Asilov o‘z navbatda Sidqiy Xondayliqiyning hayoti va ijtimoiy faoliyati, ilmiy-ijodiy merosi haqida batafsil so‘zlab berdi. Jadidshunos olimlar S.Agzamxodjayev va M.Zikrullayev jadidlar faoliyatini yanada chuqur o‘rganishni va bu noyob meros orqali bugungi kunda insoniyatni tashvishga solayotgan juda ko‘p savollarga to‘g‘ri javob topa olish mumkinligini ta’kidlab o‘tdilar.

Anjuman nihoyasida talabalar bilan savol-javoblar o‘tkazildi.