Chop etdi: OTM axborot xizmati | Ko'rildi: 204 marta
Tegishli bo'limi: Dolzarb yangiliklar
O‘zbekiston tarixi kafedrasi dotsenti, arxeolog Konstantin Kraxmal boshchiligi “Tarixchi arxeologlar” klubi a’zolari Dilmurod Sharifov va Sherzod Olloyorovlar Ohangaron tumani Obiz qishlog‘idagi Iloqning markazi – Tunkat shahri xarobasida arxeologik ekspeditsiya ishlarini olib bordi.
Ma’lum bo‘lishicha, 18-noyabr kuni dala ishlarini bajarayotgan traktor arxeologik topilmalarga duch keladi va ChDPU olimlariga murojaat qiladi.
Bu xabardan so‘ng arxeolog talabalar ekin dalasini ko‘zdan kechirib, sopol parchalari sochilib yotganligi sababli arxeolog qazish ishlarini olib boradi. Arxeologiya talablari asosida tashkil etilgan ish natijasida qisqa muddatda qator tarixiy ashyolarni qazib olingan.
Ekspeditsiya a’zolari topilmalar Qoraxoniylar (XI – XII asr) davriga oid ekanligini taxminlashdi.
"Tarix yo‘nalishi talabasi sifatida bu tarixiy topilmani topish, o‘rganish bizda katta qiziqish uyg‘otdi. Endilikda biz tarixiy xumni tiklash, u haqida ma’lumot yig‘ish ustida ish olib bormoqdamiz. Yurtimizning boy tarixini o‘rganish va dunyoga tanitishni o‘z burchimiz deb bilamiz", – deydi arxeolog talabalarimiz.