Jahonda yuz berayotgan turli jarayonlar, raqobat muhitida mafkuralar oʻrtasidagi kurash tobora keskinlashayotgan vaqtda maʼnaviyat va maʼrifat masalasi dolzarb ahamiyat kasb etayotgani sir emas. Shuni chuqur anglagan holda mamlakatimizda mazkur yoʻnalishda turli loyihalar, islohotlar amalga oshirilmoqda, yangi qarorlar eʼlon qilinmoqda.
Ziyolilar ogohlikka chaqirilib, kelajak avlod tarbiyasiga masʼuliyat bilan yondashishi kerakligi bot-bot taʼkidlanmoqda. Yanada aniqroq aytsak, maʼnaviyat hayot-mamot masalasiga aylanib ulgurdi. Shu nuqtayi nazardan yurtimizning barcha ta'lim muasassalari, mahalla va guzarlarida "Ma'rifat ulashib" loyihasi o'tkazilmoqda.
Jumladan, joriy yilning 23-aprel kuni Chirchiq davlat pedagogika universitetiga taniqli yozuvchi va shoirlar Abdunabi Boyqo‘ziev, Fozil Jabborov va Zebo Mirzolar tashrif buyurdi. Tashrif avvalida universitet rektori G‘ofurjon Muxamedov bilan uchrashdilar. Muloqot davomida Rektor talabalarning badiiy-estetik kompetentini rivojlantirishga qaratilgan universitet Strategiyasi bilan tanishtirdi va natijalari bilan o‘rtoqlashdi.
Mehmonlar universitet talabalarining ijodiy yutuqlari va intellektual mahoratlari natijalari aks etgan pavilion bilan tanishdi.
Universitet tashabbusi bilan Chirchiq shahridagi maktablarda taniqli yozuvchi va shoirlar Abdunabi Boyqo‘ziyev, Fozil Jabborov va Zebo Mirzo ishtirokida davra suhbati tashkil etildi. Maktab o‘quvchilariga manzur bo'ldi.
Kunning ikkinchi yarmi ChDPU talabalari bilan davom etdi. Universitetda tahsil oluvchi ijodkor va badiiy adabiyotga ixlosmand talabalar yozuvchi va shoirlar ijod laboratoriyasi bilan yaqindan tanishdilar. Samimiy suhbat tarzida tashkil etilgan tadbirda mehmonlar ko'plab iqtidorli yoshlarga qimmatli masalahatlarini berdi. Suhbat davomida universitet talabalari tomonidan mehmonlarning siymosi aks etirilgan portretlari ishlandi va esdalik sifatida egalariga topshirildi. Tadbir yakunida Yozuvchilar uyushmasining maslahatchisi Fozil Jabborov uyushma kitob fondlaridan olib kelgan badiiy adabiyotlarni universitet ARMga topshirdi.
Talabalar shaharchasida oqshom gulxani yoqilib, Yozuvchilar uyushmasi a’zolari ishtirokida adabiy - mushoira kechasi tashkil etildi. Unda Vatan va ona xalqqa sadoqat tuyg‘usi ulug‘langan eng sara sheʼrlar ijodkor talabalar tomonidan o‘qildi.
Muxtasar qilib aytganda, Kelajagini oʻylagan har qanday davlat yoshlariga imkoniyat bilan birga shart-sharoit ham yaratib beradi. Shuningdek, ularning maʼnaviyatini yana-da oshirish, maʼrifatli, ziyoli boʻlib voyaga yetishida ham koʻmakchi boʻladi. "Ma'rifat ulashib" loyihasi ham odamlar bir xillikdan, maʼruza tinglashdan charchagan yoshlar uchun ayni muddao bo'ldi desak, mubolag'a emas.
