Toshkent viloyati Chirchiq davlat pedagogika institutida tashkil etilgan “5 tashabbus Markazi” to‘g‘risida
NIZOM
Umumiy qoidalar
Mazkur Nizom Toshkent viloyati Chirchiq davlat pedagogika instituti (matnda – institut deb yoziladi)da O‘zbekiston Respublikasi Prezidentining Yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta muhim tashabbusi (matnda 5 tashabbus deb yoziladi)ni amalga oshirish va uning faoliyat olib borish tartibini belgilaydi.
5 tashabbus Markazi (matnda Markaz deb yoziladi) “Yoshlarga oid davlat siyosati to‘g‘risida”gi Qonun, “Yoshlar – kelajagimiz” Davlat Dasturi, O‘zbekiston Respublikasi Oliy va o‘rta maxsus ta’lim vazirligining tegishli buyruqlari hamda institutning Ustaviga tayangan holda faoliyat yuritadi.
Ushbu Nizomda quyidagi asosiy tushunchalardan foydalaniladi:
Tashabbus – ijtimoiy-ma’rifiy hayotning biron bir yo‘nalishida foydali ish-faoliyatini amalga oshirish bo‘yicha ilgari surilgan muhim g‘oya yoki taklif.
5 muhim tashabbus – O‘zbekiston Respublikasi Prezidenti Sh.Mirziyoev tomonidan yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha ilgari surilgan ulug‘vor g‘oya. Bular: 1-tashabbus - yoshlarning musiqa, adabiyot, rassomlik, teatr va san’atning boshqa turlariga qiziqishlarini oshirish, iste’dodini yuzaga chiqarish. 2-tashabbus - yoshlarni jismoniy chinniqtirish, ularni sport sohasida qobiliyatini namoyon qilishlari uchun zarur sharoitlar yaratish. 3-tashabbus - aholi va yoshlar o‘rtasida kompyuter texnologiyalari va internetdan samarali foydalanishni tashkil etish. 4-tashabbus - yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etish. 5-tashabbus - hotin-qizlarni ish bilan ta’minlash
Markaz – talabalarni yuksak ma’naviyatli shaxs qilib tarbiyalash, ularning bo‘sh vaqtlarini mazmunli va samarali tashkil etish hamda 5 tashabbus g‘oyasi va ahamiyatini jamoatchilik orasida keng targ‘ib qilish va amalga oshirishga ko‘maklashuvchi tizim.
Koordinator –tegishliligi bo‘yicha 5 ta tashabbusning biriga mas’ul bo‘lgan va shu doirada amalga oshiriladigan ishlarni nazoratini muvofiqlashtiruvchi.
Bo‘sh vaqt – talabalarning dars mashg‘ulotlaridan keyingi faoliyatini mazmunli tashkil etishga yo‘naltirilgan vaqt.
Tanlov – talabalar o‘rtasida fan, madaniyat, san’at, adabiyot, sport hamda informatsion texnologiyalar sohasi bo‘yicha iqtidorini namoyish qilish maqsadida o‘tkaziladigan ma’rifiy tadbir.
Platforma – 5 tashabbus doirasidagi muayyan ijtimoiy-ma’naviy, madaniy-ma’rifiy tadbirlarni tashkil etish va o‘tkazish uchun belgilangan mahsus makon.
II. Markazning maqsadi, vazifalari
Markazning vazifalari:
– yoshlarni jismoniy chiniqtirish, ularning sport sohasida qobiliyatini namoyon qilishlari hamda sog‘lom turmush tarzini targ‘ib qilishga qaratilgan ishlarni amalga oshirish;
– yoshlarga kompyuter texnologiyalaridan, internetdan samarali foydalanish madaniyatini o‘rgatishga qaratilgan ma’rifiy tadbirlarni tashkil etish;
– talabalar o‘rtasida mutolaa va kitobxonlik madaniyatini keng targ‘ib qilish bo‘yicha tizimli ishlarni muvofiqlashtirish;
talaba-qizlar o‘rtasida mehnatsevarlik fazilatini rivojlantirish, ularni mutaxassislik doirasida foydali mehnat bilan shug‘ullanishlariga ko‘maklashish hamda qo‘shimcha kasb egallashlari yuzasidan tushuntirish ishlarini olib borish.
III. Markazning tarkibiy tuzilmasi
Markaz rahbari (1 nafar o‘qituvchi).
Markaz rahbari o‘rinbosari (1 nafar talaba).
Markaz kotibi (1 nafar talaba)
Koordinatsion Kengash (3 nafar o‘qituvchi, 6 nafar talaba).
Koordinatorlar (5 nafar talaba).
Ko‘maklashuvchi a’zolar (3 nafar o‘qituvchi, 4 nafar talaba).
Markaz rahbari, Koordinatsion Kengash a’zolari, Koordinatorlar va Ko‘maklashuvchi a’zolar jamoatchilik asosida faoliyat olib boradi.
Markaz rahbariga faoliyatining samaradorligi va natijadorligiga qarab o‘rnatilgan tartibda ustama xaq belgilanadi.
Markazda muhokama qilinadigan masalalarning mazmunidan kelib chiqib, yig‘ilishga Chirchiq shahar hokimining yoshlar siyosati, ijtimoiy rivojlanish va ma’naviy-ma’rifiy ishlar bo‘yicha o‘rinbosari, huquqni muhofaza qiluvchi organlar va boshqa tashkilotlar vakillari taklif qilinishi mumkin.
Markaz rahbari va Koordinatorlarni saralash va tayinlash
Markaz rahbari lavozimiga institutning Yoshlar bilan ishlash bo‘yicha prorektori tomonidan bir o‘quv yili davomida ma’naviy-ma’rifiy va jamoat ishlarida faol ishtirok etgan va yoshlarga har tomonlama namuna bo‘la oladigan o‘qituvchi tayinlanadi.
Koordinatsion Kengash tarkibi fakultet dekanlari tomonidan tavsiya etilganlar asosida shakllanadi.
Koordinatorlar nomzodi 5 tashabbusdagi yo‘nalishlarga mos kafedra mudiri tomonidan institut O‘zbekiston Yoshlar Ittifoqi Boshlang‘ich tashkiloti yetakchisiga tavsiya etiladi.
Ko‘maklashuvchi a’zolar tarkibiga o‘qituvchilar institut Murabbiylar Kengashi raisi, talabalardan institut O‘zbekiston Yoshlar Ittifoqi Boshlang‘ich tashkiloti yetakchisi tomonidan tavsiya etilganlar kiritiladi.
Markaz faoliyatini tashkil qilish
Markaz institutning Yoshlar bilan ishlar bo‘yicha prorektori tuzilmasida faoliyat olib boradi va nazorat qilinadi.
Markaz faoliyatini Koordinatorlarning taklif va tavsiyalariga asosan ishlab chiqilgan yillik Ish rejaga ko‘ra tashkil etadi. Ish reja institutning Yoshlar bilan ishlash bo‘yicha prorektori tomonidan tasdiqlanadi.
Zaruratga ko‘ra, navbatdan tashqari yig‘ilishlar o‘tkazilishi mumkin.
Markaz tarkibiy tuzilmasidagi lavozim vazifalari
Markaz rahbari – Markazning umumiy faoliyatiga rahbarlik qiladi. Markaz yillik ish rejasining bajarilishini nazorat qilib boradi. Har oyda bir marta o‘tkaziladigan kengaytirilgan yig‘ilishni tashkil etadi. 5 tashabbus doirasida amalga oshiriladigan ishlar bo‘yicha koordinatorlar tomonidan ilgari surilgan taklif va tavsiyalarni umumlashtiradi.
Markaz rahbari o‘rinbosari – Markaz yillik Ish rejasining bajarilish holati bo‘yicha umumiy hisobotlarni tayyorlaydi. Markaz rahbari o‘z vazifasini bajara olmaydigan (kasal bo‘lgan, xizmat safariga ketgan va hokazo) holatlarda uning vazifasini vaqtinchalik bajarib turadi.
Markaz kotibi – Markazning faoliyati bilan bog‘liq hujjatlarni sifatli yuritadi. Ko‘rsatmalarni tegishli yig‘ma jildlarga tartibli joylashtiradi. Yig‘ilish o‘tkazilishidan 3 kun avval Markaz tuzilmasidagi shaxslarga xabarnoma yuboradi, ularning ishtirokini Qaydnoma asosida nazoratini ta’minlaydi. Markaz faoliyati yuzasidan berilgan topshiriq va ko‘rsatmalarni Markaz tuzilmasidagilarga yetkazadi.
Koordinatsion Kengash – Markazning faoliyatiga doir asosiy masalalarni hal qilishda ishtirok etadi. 5 tashabbus doirasida yangi tadbirlar, loyihalar tashkil etish va uni o‘tkazish bo‘yicha tavsiya va maslahatlar, hal qiluvchi qarorlar beradi.
Koordinatorlar – talabalarning 5 tashabbus bo‘yicha fikrlarini, taklif va tavsiyalarini o‘rganadi, ularni umumlashtirib har oydagi Kengash yig‘ilishi kun tartibiga masala sifatida kiritadi. Tadbirlar, loyihalar, startaplarni tashkil etish va uni o‘tkazish hamda boshqarishda yaqin ko‘makchi sifatida faoliyat yuritadi. Kordinator 5 tashabbusdan biriga tegishli bo‘lgan platformada tadbirlarni tashkil etadi, boshqaradi va nazorat qiladi
Ko‘maklashuvchi a’zo – 5 tashabbus doirasida tashkil etiladigan tadbirlar, ko‘rik-tanlovlar, bahs-munozaralar, debatlarda ishtirok etishga talabalar orasidan munosib nomzodlarni izlab topishga ko‘maklashadi, ularni ma’naviy qo‘llab-quvvatlaydi.
VI. Markazning huquq va majburiyatlari
Markaz quyidagi huquqlarga ega:
institut rahbariyatiga ijodkor talabalarning ishlanmalarini nashr qilish, asarlarining ko‘rgazmasini tashkil qilish bo‘yicha taklif kiritadi;
elektron tijorat va dasturlashni bepul o‘rgatishni yo‘lga qo‘yish, axborot texnologiyalari sohasida tadbirkorlik bilan shug‘ullanish bo‘yicha startap loyihalarga yordam ko‘rsatadi;
institutda “Tashabbusga xayrixoh talaba” tanlovini o‘tkazadi va g‘olibni rag‘batlantirishga tavsiya etadi.
tashabbus doirasidagi tadbirlarni tashkil etish va o‘tkazishda faollik ko‘rsatgan shaxsning tahsil olgan (olayotgan) ta’lim muassasasi rahbariyati, yashayotgan mahalla fuqarolar yig‘iniga, fakultet dekani nomiga minnatdorchilik xatini yo‘llaydi.
faol talabalarni institutda tashkil etiladigan respublikamiz hududlari bo‘ylab turistik sayohatga, madaniy dam olish maskanlariga yuborish uchun tavsiya etadi.
fakultetlar qoshida badiiy-havaskorlik jamoalari, teatr-studiyalari va “Yoshlar klubi”ni tashkillashtiradi va ularning faoliyatini nazorat qiladi;
hamkorlikda olimlar va san’atkorlar bilan ilmiy, ijodiy uchrashuvlar, davra suhbatlarini tashkil qiladi.
Markaz quyidagi majburiyatlarga ega:
5 tashabbus doirasida amalga oshiriladigan ishlar bo‘yicha topshiriq va ko‘rsatmalarning to‘liq va sifatli ijrosini ta’minlaydi. Ijroning umumiy nazorati Markaz rahbari tomonidan amalga oshiriladi.
har chorakda institut kengashiga amalga oshirgan ishlar yuzasidan Hisobot taqdim etadi.
5 tashabbus yo‘nalishlari bo‘yicha Dastur, Yo‘l haritasi, Ish reja ishlab chiqadi.
Markazning moddiy-texnik bazasi
Markaz o‘z faoliyatini samarali amalga oshirishi uchun quyidagi moddiy jihozlar bilan ta’minlanadi:
Xona.
Konferensstol.
Stullar.
Kompyuter jamlanmasi.
Printer, kseroks, skayner apparati.
Videoproektor.
Ekran.
Flipchart doska
Televizor.
Markaz o‘tkazadigan ma’naviy-ma’rifiy loyiha, tanlov va aksiyalar.
“1 oyda 10 kitob – 1 yilda 100 kitob bilan do‘stlashdim” mega loyihasi.
Gimnastrada musobaqalari.
“Tashabbusga xayrixoh talaba” tanlovi.
“Tafakkur o‘yinlari” intellektual tanlovi;
“Jahon va o‘zbek adabiyoti klassik asarlari bilimdoni” intellektual tanlovi.
“STEAM” intellektual klubi.
“Biznes student ledi” innovatsion tanlovi.
“Tadbirkorlik faoliyati maktabi” treninglari.
“Qizlarjon” ma’naviyat-ma’rifat klubi;
“Har bir xonadonga kitob va ma’rifat bilan” targ‘ibot aksiyasi.
“IT Park” intellektual loyihasi.
“Mehr-muruvvat ulashaylik” targ‘ibot aksiyasi;
“Obodlik ko‘ngildan boshlanadi” ma’rifiy aksiyasi;
“Institutni ma’naviyat o‘chog‘iga aylantirishga qo‘shgan hissam” ma’rifiy targ‘ibot aksiyasi.
IX. Markaz hujjatlari
Markaz faoliyatiga oid quyidagi hujjatlarning yig‘ma jildi bo‘lishi kerak:
“5 tashabbus Markazi” to‘g‘risida Nizom.
Ish reja. Yo‘l haritasi.
Bayonnomalar.
Murojaatlar. Takliflar.
Ma’lumotlar. Hisobotlar.
Hujjatlarni sifatli va tartibli rasmiylashtirish va saqlashga Markaz kotibi javobgar hisoblanadi.
X. Yakuniy qoidalar
Nizomdan barcha fakultetlar foydalanishi mumkin.
Nizomga o‘zgartirish va qo‘shimchalar kiritish institut Ustavida belgilangan tartib va qoidalar asosida amalga oshiriladi.
Nizomning amal qilish muddati chegaralanmagan.
Nizomda belgilangan vazifalarning ijrosiga loqaydlik va mas’uliyatsizlik bilan yondashganlarga nisbatan institut Ustavida belgilangan ma’muriy choralar ko‘riladi.
Ushbu Nizom Toshkent viloyati Chirchiq davlat pedagogika institutining 2019 yil 28 iyundagi Kengashida muhokama qilingan va tasdiqlangan (Bayonnoma №14).