O‘zbekiston Respublikasi Prezidentining 2022-yil 3-fevraldagi “Xalq ta’limi tizimini isloh qilish bo‘yicha qo‘shimcha chora-tadbirlar to‘g‘risida”gi F-22-sonli Farmoyishi 4-ilovasi bilan tasdiqlangan “Ishlar rejasi”ning 15-bandi ijrosini ta’minlash maqsadida Xalq ta’limi xodimlarini qayta tayyorlash va ularning malakasini oshirish bo‘yicha Chirchiq davlat pedagogika instituti va Toshkent viloyati xalq ta’limi boshqarmasi qo‘shma buyrug`i qabul qilindi.
Buyruq asosida Maktab o‘qituvchilariga metodik yordam beruvchi 9 ta mobil metodik guruhlar shakllantirildi.
Toshkent viloyati xalq ta`limi bo’limi pedagog xodimlarni malakasini oshirish bo’yicha fanlar kesimida o’quv reja va dasturlar ishlab chiqilib, tasdiqlandi hamda metodik ta’minoti yaratildi.
Oliy va o`rta maxsus ta`lim vazirligi hamda Xalq ta`limi vazirligining qo`shma qarori bilan tasdiqlangan reja-grafik asosida 2022 yil aprel oyida Toshkent viloyatining 4 ta umumta`lim maktablarida (Angren tumanidagi 31-umumta`lim maktabi, Bekobod tumanidagi 49 va 43 sonli umumta`lim maktablari, Toshkent tumani 25- umumta`lim maktabi) malaka oshirish kurslari olib boriladi.
Aprel oyi uchun umumta`lim maktablarida malaka oshirish kurslarini olib borish uchun institutning 6 ta fanlar kesimida 10 nafar ilg`or va tajribali professor-o`qituvchilari jalb etilgan. Professor-o`qituvchilarmiz umumta`lim maktablarini 20 nafar o`qituvchilari uchun malaka oshirish kurslarini olib bormoqdalar.