Har bir davogar bilan barchaning ishtirokidagi tanlov....

Yohud TVChDPIga tyutorlar saralandi

Institutda tyutorlik faoliyatini tashkil etish hamda yuksak axloqiy fazilatlarga ega bo'lgan tyutorlarni saralab olish maqsadida suhbat o'tkazildi. Tyutorlarni saralash jarayonida korruptsiya, mahalliychilik, tanish-bilishchilik, ta'magirlik kabi illatlarni yo'l qo'ymaslik hamda saralash jarayonini oshkoralik va shaffof tarzda o'tkazishni ta'minlash maqsadida Korruptsiyaga qarshi kurashish kompleans-nazorat tizimini boshqarish bo'limi, Xotin-qizlar maslahat kengashi, Hodimlar bo'limi, Murabbiylar Kengashi, Kasaba uyushma qo'mitasi boshlang'ich tashkiloti, Yuristkonsult, Psixologiya kafedrasi hodimlaridan iborat  ishchi guruh tuzildi. 

Ishchi guruh institutning videokuzatuv vositasida har bir da'vogar bilan barchaning ishtirokida suhbatni amalga oshirdi. Suxbatdan avval tьyutorlikka talabgorning muloqotchanligining umumiy darajasini aniqlash bo'yicha so'rovnoma olindi. So'rovnoma psixolog mutaxassislar tomonidan o'rganilgan holda shu kunning o'zida Ishchi guruhga taqdim etiladi. Suhbat va so'rovnoma natijasi bo'yicha yuqori ko'rsatkichga ega bo'lganlar tyutorlik lavozimida ishlashga tavsiya etiladi.

P/s  Ushbu lavozimga institutning kunduzgi ta'lim shaklida tahsil olayotgan 1,2,3 kurs talabalari kontengentidan kelib chiqqan holda 41 nafar tyutor ishga qabul qilinadi. Hozirda mazkur lavozimga 117 nafar nomzod hujjatlarini taqdim etgan.