Asosiy ma'lumotlar:

Kimyo kafedrasi Chirchiq  davlat pedagogika instituti Kengashining 2019 yil 27 avgustda qabul qilgan 1-sonli Qaroriga muvofiq, Aniq va tabiiy fanlar fakulteti "Tabiiy fanlar" kafedrasi tarkibidan alohida "Kimyo" kafedrasi boʻlib ajralib chiqdi va faoliyat koʻrsata boshladi. Kafedra professor-oʻqituvchilari tegishli fanlardan dars berish bilan bir qatorda turli mavzularda
ilmiy-tadqiqot ishlarini ham olib borishmoqda.

Kimyo kafedrasi tabiiy fanlar fakulteti tarkibiga kiradi va quyidagi yoʻnalishlar boʻyicha kadrlar tayyorlaydi:

• Bakalavr - “5110300 - Kimyo oʻqitish metodikasi”
• Magistratura- “5А110301 – Aniq va tabiiy fanlarni oʻqitish metodikasi (Kimyo)”

Kimyo  kafedrasida oʻtiladigan fanlar

1. Umumiy kimyo
2. Anorganik kimyo
3. Kimyo tarixi
4. Eksperimentlar oʻtkazish metodikasi
5. Anorganik kimyo
6. Analitik kimyo
7. Organik kimyo
8. Kompleks birikmalar kimyosi
9. Kompyuter kimyo
10. Dorivor oʻsimliklar kimyosi
11. Kimyo oʻqitish metodikasi
12. Fizik kimyo
13. Polimerlar kimyosi
14. Kimyoviy texnologiya
15. Kimyoni oʻqitishda zamonaviy texnologiyalar
16. Kimyo
17. Ekologik kimyo 
18. Mutахаssislik fаnlаrini o`qitish mеtоdikаsi
19. Organik kimyoning nazariy asoslari 
20. Analizning  fizik-kimyoviy  metodlari
21. Noorganik sintez
22. Nоorgаnik kimyoning nаzаriy аsоslаri

Bugungi kunda kafedrada turli ilmiy yoʻnalishda faoliyat yuritayotgan professor-oʻqituvchilar jamoasi toʻplangan.

Kafedra tarkibida faoliyat yuritib kelayotgan yetakchi oʻqituvchilar:

• Bekchanov Davronbek Jumazarovich- kafedra mudiri, kimyo fanlar doktori, dotsent, yuqori molekulyar birikmalar sohasida yetakchi mutaxassis.
• Eshchanov Ruzumboy  Abdullayyevich- biologiya fanlari doktori, professor,  ekologik kimyo sohasida yetakchi mutaxassis.
• Ziyadullayev Odil Egamberdiyevich - kimyo fanlari doktori, dotsent, organik kimyo sohasida yetakchi mutaxassis.
• Raximov Toxir Xakimovich - kimyo fanlari doktori, dostent, nanokimyo sohasida yetakchi mutaxassis.
• Muxamediyev Muxtor Gʻaniyevich - kimyo fanlari doktori, professor, fizikaviy kimyo sohasida yetakchi mutaxassis.
• Yeshimbetov Alisher Gulimbayevich - kimyo fanlari nomzodi, dotsent, bioorganik kimyo, kompyuter kimyosi sohalarida yetakchi mutaxassis.
• Xandamov Davron Abdikadirovich - kimyo fanlari doktori, professor, kompleks birikmalar kimyosi sohasida yetakchi mutaxassis.
• Yakubov Yoʻldosh Yusupbayevich - kimyo fani boʻyicha falsafa doktori, dotsent, kolloid kimyo sohasida yetakchi mutaxassis.
• Botirov Roʻzali Anvarovich- kimyo fani boʻyicha falsafa doktori, kimyoviy texnologiya sohasidagi yetakchi mutaxassis.

Oʻquv mashgʻulotlarini oʻtish uchun kafedraning asosiy oʻqituvchilaridan tashqari, faoliyatlari taʻlim dasturlari yoʻnalishi bilan bogʻliq boʻlgan OʻzR FA ilmiy tadqiqot institutlari mutaxassislari va yetakchi oliy ta`lim muassalari professor-oʻqituvchilari jalb qilingan.

Kafedrada ikkita laboratoriya xonalari mavjud boʻlib, ularda talabalar darsga oid laboratoriya ishlarini bajaradilar, xonalar kerakli jixozlar va reaktivlar bilan jixozlangan. Kafedraning yosh tadqiqotchi izlanuvchilari mahalliy hom ashyo asosida polimer  sorbentlar ishlab chiqarish va ularning fizik-kimyoviy xossalarini oʻrganish boʻyicha ilmiy tadqiqot ishlarini olib borishmoqda.  

Oʻquv jarayonini takomillashtirish uchun kafedraning  professor-oʻqituvchilari darslarda zamonaviy oʻqitish usullaridan, multimediya vositalaridan va axborot-kommunikatsiya texnologiyalaridan foydalanadilar.

Ishlab chiqarish amaliyotlarini talabalar OʻzR FA Oʻsimliklar kimyosi institutida, Bioorganik kimyo institutida  va Toshkent viloyatining umumiy  oʻrta taʻlim muassasalarida olib borishadi.

Kafedra Оʻzbekiston Respublikasi Fanlar akademiyasining Оʻsimlik moddalar kimyosi instituti, Bioorganik kimyo instituti, Polimerlar kimyosi va fizikasi instituti, Umumiy va noorganik kimyo instituti, “Maxam-Chirchiq” aksiyadorlik jamiyati, Mirzo Ulugʻbek nomidagi Oʻzbekiston Milliy universiteti va boshqa tashkilotlar bilan xamkorlik aloqalarini oʻrnatgan.

Xalqaro xamkorlik aloqalari: Bugungi kunda kafedra jamoasi xorijiy mamlakatlarning universitet va institutlari bilan hamkorlikda ishlar olib borishni yоʻlga qоʻymoqda. Jumladan, A.I. Gersen nomidagi Rossiya davlat pedagogika universiteti, Muxtor Avezov nomidagi Janubiy Qozogʻiston davlat universiteti, Ukrainaning Kiyev milliy universiteti kabi dinyoning yetakchi oliy taʻlim muassasalari olimlari bilan оʻquv-uslubiy, ilmiy-tadqiqot sohalarda hamkorlik qilish yоʻlga qоʻyilgan.

Kafedra oʻqituvchilari muntazam ravishda mamlakatning ixtisoslashgan universitetlarida malaka oshiradilar,  mintaqalararo va xalqaro seminar va konferentsiyalarda qatnashadilar.

Kimyo fani  boʻyicha sifatli va fundamental bilimlarni egallashni istagan yoshlarni oʻqishga taklif qilamiz.

Taʻlim yoʻnalishlari va oʻqitish darajalari roʻyxati

Bakalavr

Magistratura 

Tayanch doktorantura

Kafedradagi professor oʻqituvchilar tarkibi: