+99870 716-68-05

Tillar:       O'zb       Eng       Рус    

EMAIL POCHTA

ANIQ FANLAR FAKULTETI

Fakultet dekani: Tadjibaev Ikram Uralbaevich
Tadjibaev Ikram Uralbaevich

Tadjibaev Ikram Uralbaevich

Fakultet dekani:


Asosiy ma'lumotlar:

Aniq fanlar fakulteti talabalarning matematika, fizika, informatika, zamonaviy informatsion texnologiyalar va kasbiy ta'lim bilimlarini yuzaga chiqaradi va amalga oshiradi. Fakultetda Matematika o'qitish metodikasi, Fizika va astronomiya o'qitish metodikasi, Informatika o'qitish metodikasi ta’lim yo’nalishlari, shuningdek, Aniq fanlarni o'qitish metodikasi (matematika), Aniq fanlarni o’qitish metodikasi (fizika va astronomiya) magistratura mutaxassisliklari bo'yicha ta’lim beriladi. Bundan tashqari, fakultetda PhD doktorantura ixtisosligi ham mavjud.

Fakultetning ilmiy-pedagogik jamoasi – 74 kishi, ulardan 8 tasi fan doktori, 16 tasi fan nomzodlari hisoblanadi. Fakultet yaqinda tashkil topganiga qaramay, professor-o'qituvchilar tomonidan yangi o'quv-uslubiy qo'llanmalar, darslilar hamda labaratoriya mashg'ulotlarini bo’yicha yangi materiallar ishlab chiqmoqda va o’quv jarayoniga tatbiq etilmoqda.

 

Hozirgi kunda o'qituvchilar chet davlatlar universitet va institutlari bilan hamkorliklarda ilmiy izlanishlar olib borishmoqda. Xususan, Rossiya oliy o'quv yurtlaridan Rossiya Davlat Pedagogika Universiteti, Qozon Davlat Universiteti, Muxtar Avazov nomidagi Janubiy Qozog'iston Universiteti, Ukrainadagi Kiyev Milliy Universiteti bilan turli xil izlanishlar va dars berish usullari kabi yo'nalishlarda yetakchi olimlari bilan aloqalar o'rnatilgan.

Fakultetda talabalarning ilmiy-tadqiqod ishlarini tashkil etishga katta e'tibor qaratadi. Respublika va turli xalqaro ilmiy konferensiyalarda, shuningdek, olimpiada va iqtidorli yoshlaning ilmiy ishlarini tashkil etishga kata e'tibor beriladi. Fakultet talabalari turli xil sport o'yinlari, bellashuvlar, «QVZ» va «Yil talabasi» kabi tanlovlarda faol ishtirok etib kelmoqda. Fakultetda I.Karimov nomidagi nomdor stipendiant tahsil oladi.

 

Fakultetda turli yo'nalishlarda to'garaklar faoliyat olib boradi:

1.Matematika kafedrasi o'qituvchilari Tog'aymurodov Abror va Xo'jakulov Jonibek tomonidan seshanba va chorshanba kunlari «Yosh matematiklar» to'garagi faoliyat olib bormoqda.

2.Informatika kafedrasi o'qituvchisi Bekjan Axmedov tomonidan chorshanba va juma kunlari «Yosh informatiklar» to'garagi faoliyat ko'rsatib kelmoqda.

  

Fakultetning tuzilmasi:

Aniq fanlar fakulteti institutning tarkibiy birligi hisoblanadi. Fakultetning tarkibiga quyidagi kafedralar kiradi:

- Matematika kafedrasi;

- Fizika kafedrasi;

- Informatika kafedrasi;

Shuningdek, fakultetning tarkibiy birligida:

- axborot markazi;

- internet markazi;

- fizika o'quv labaratoriya kabilar ham kiradi.

 

Fakultetning axborot resurs markazida 60 000 ta kitob mavjud bo'lib, zamonaviy jihozlar bilan jihozlangan, 40 kishiga mo'ljallangan o'quv zali, yangi kitob va jurnallar kutubxonasi mavjud.

Bitiruvchilarni ish bilan ta'minlash:

- fakultet bitiruvchilari asosan ta'lim va madaniyat sohalarida, ilmiy tekshirish institutlarida, axborot va kompyuter markazida shuningdek ijtimoiy sohalarda faoliyat olib borishlari mumkin.

- xususan, informatika o'qitish metodikasi talabalari axborotni hisoblash va tahlil markazlari, korxona tashkilotlarining bo'limlari, iqtisodiyotning IT bilan bog’liq turli sohalari, korxonalar uchun dasturiy ta'minot ishlab chiqaruvchi kompaniyalar, Web-dizaynerlar, IT-mutaxassislar axborot maxsulotlarini joriy qilish va ularga xizmat ko'rsatish uchun dasturlar yo'nalishlarida ham faoliyat olib borishlari mumkin.

- fakultet bitiruvchilari iste'molchilar tomonidan juda katta talabga ega. Ularning aksariyati davlat ta'lim muassasalarida O'zbekiston Respublikasi Fanlar akademiyasining institutlarida, mudofaa vazirligining oliy o'quv yurtlari filiallari, akademik litseylar va kasb hunar kollejlari hamda ishlab chiqarish korxonalarida faoliyat yuritishi mumkin.


Ta'lim yo'nalishlari va darajalari:

 

Oliy ta'lim- bakalavriyat

 

Kod

Yo’nalish

O’qitish shakli

5110100

Matematika o’qitish metodikasi

Darajasi – bakalavr

Kunduzgi 4 yil, kechki 4-5 yil

Ta’lim tili O’zbek, Rus

5110200

Fizika va astronomiya o’qitish metodikasi

Darajasi – bakalavr

Kunduzgi 4 yil, kechki 4-5 yil

Ta’lim tili O’zbek, Rus

5110700

Informatika o’qitish metodikasi

Darajasi – bakalavr

Kunduzgi 4 yil, kechki 4-5 yil

Ta’lim tili O’zbek, Rus

 

Oliy ta’lim-Magistratura

 

Kod

Yo’nalish

O’qitish shakli

5110100

Aniq fanlarni o’qitish metodikasi (matematika)

Darajasi – Magistr

Kunduzgi 2 yil

Ta’lim tili O’zbek, Rus

5110200

Aniq fanlarni o’qitish metodikasi (fizika va astronomiya)

Darajasi – Magistr

Kunduzgi 2 yil

Ta’lim tili O’zbek, Rus

 

 

Tayanch doktarantura

 

              

Kod

Yo’nalish

O’qitish shakli

010301

Astronomiya

Darajasi – (Phd) falsafa doktori

Kunduzgi 3 yil

Ta’lim tili O’zbek, Rus

010101

Matematik analiz

Darajasi – (Phd)falsafa doktori

Kunduzgi 3 yil

Ta’lim tili O’zbek, Rus

 

  

 

 


Qo'shimcha

ANIQ FANLAR FAKULTETIga tegishli boshqa ma'lumotlar